Jer 13 | Ndebele | STEP | Itsho njalo IN kosi kimi: Hamba uzithengele ibhanti lelembu elicolekileyo, ulifake ekhalweni lwakho, ungalifaki emanzini.

1 Itsho njalo INkosi kimi: Hamba uzithengele ibhanti lelembu ^a elicolekileyo, ^b ulifake ekhalweni lwakho, ungalifaki emanzini. 2 Ngasengithenga ibhanti njengokwelizwi leNkosi, ngalifaka ekhalweni lwami. ^c 3 Ilizwi leNkosi laselifika kimi ngokwesibili lisithi: 4 Thatha ibhanti olithengileyo elisokhalweni lwakho, usukume uye eYufrathi, ulifihle khona engoxweni yedwala. ^d 5 Ngasengihamba, ngalifihla ngaseYufrathi njengoba iNkosi ingilayile. 6 Kwasekusithi ekupheleni kwensuku ezinengi, iNkosi yasisithi kimi: Sukuma, uye eYufrathi, uyethatha khona ibhanti engakulaya ukuthi ulifihle khona. 7 Ngasengisiya eYufrathi, ngagebha, ngalithatha ibhanti endaweni lapho engangilifihle khona; khangela-ke, ibhanti lalonakele, ^e lalingasasizi lutho. ^f 8 Laselifika kimi ilizwi leNkosi lisithi: 9 Itsho njalo iNkosi: Ngalindlela ^g ngizakonakalisa ^h ukuziqhenya kukaJuda ⁱ lokuziqhenya okukhulu kweJerusalema. 10 Lababantu ababi, abala ukuzwa amazwi ami, abahamba ngobulukhuni benhliziyo yabo, ^j belandela abanye onkulunkulu ukubakhonza, lokubakhothamela, bazakuba njengalelibhanti elingasizi lutho. ^k 11 Ngoba njengoba ibhanti linamathela okhalweni lomuntu, ngokunjalo nginamathelise kimi indlu yonke yakoIsrayeli lendlu yonke yakoJuda, itsho iNkosi; ukuze kimi babe ngabantu, ^l lebizo, ^{m
,} ^{n
,} ^o lendumiso, ^{p
,} ^{q
,} ^r lenkazimulo; ^s kodwa kabalalelanga.

Umfanekiso wezimbiza ezigcwaliswa ngewayini

12 Ngakho uzakhuluma kibo lelilizwi: Itsho njalo iNkosi uNkulunkulu kaIsrayeli: Yonke imbodlela ^t izagcwaliswa ngewayini. ^u Njalo bazakuthi kuwe: ^v Isibili kasikwazi yini ukuthi yonke imbodlela izagcwaliswa ngewayini? 13 Ubususithi kibo: Itsho njalo iNkosi: Khangela, ngizagcwalisa bonke abakhileyo balelilizwe, lamakhosi ahlala esihlalweni sobukhosi sikaDavida, ^w labapristi, ^x labaprofethi, ^y labo bonke abahlali beJerusalema, ngokudakwa. ^z 14 Njalo ngizabaphahlaza omunye komunye, ^aa laboyise lamadodana ndawonye, itsho iNkosi; kangiyikuhawukela, kangiyikuyekela, kangiyikuba lomusa, ukuthi ngingabachithi.

AbakoJuda bazathunjwa ngenxa yokungaphenduki kwabo

15 Zwanini, libeke indlebe, lingaziqhenyi, ngoba iNkosi ikhulumile. 16 Inikeni iNkosi uNkulunkulu wenu udumo, ^ab ingakalethi ubumnyama, ^ac lenyawo zenu zingakakhubeki ezintabeni zokuhwalala, lisalindela ukukhanya, ^ad ikwenze kube lithunzi lokufa, ^ae ikwenze kube ngumnyama onzima. ^af 17 Kodwa uba lingalaleli, umphefumulo wami uzakhala inyembezi endaweni zensitha ngenxa yokuziqhenya kwenu, ^ag lelihlo lami lizakhala inyembezi kabuhlungu, ^ah lehlise inyembezi, ngoba umhlambi weNkosi uthunjiwe.

18 Tshono enkosini ^ai lendlovukazini ^{aj
,} ^ak uthi: Zithobeni, hlalani phansi; ngoba imiqhele yenu izawela phansi, umqhele wodumo lwenu. ^al 19 Imizi yeningizimu izavalwa, ^am njalo kakho ozayivula; uJuda uzathunjwa, yena wonke, uzathunjwa ngokupheleleyo. 20 Phakamisani amehlo enu, libone labo abavela enyakatho. ^an Ungaphi umhlambi owaphiwa wona, umhlambi wakho omuhle? 21 Uzakuthini uba esenza isijeziso phezu kwakho, ngoba wena ubafundise ukuthi babe yizinduna ^ao lenhloko phezu kwakho; ^ap inhlungu kaziyikukubamba yini njengowesifazana obelethayo? ^aq

22 Njalo uba usithi enhliziyweni yakho: Kungani lezizinto zenzakele kimi? ^ar Ngenxa yobunengi bobubi bakho amalogwe akho embuliwe, ^as lezithende zakho zaphathwa ngodlakela. 23 UmEthiyophiya angasiphendula yini isikhumba sakhe, kumbe ingwe amabala ayo? Khona lani lizakuba lakho ukwenza okuhle elejwayele ukwenza okubi. ^at 24 Ngakho ngizabahlakaza njengamakhoba edluliswa ngomoya wenkangala. ^au 25 Le yinkatho yakho, isabelo sezilinganiso zakho ezivela kimi, ^av itsho iNkosi, ngoba ungikhohliwe, ^aw wathemba emangeni. ^ax 26 Ngakho lami ngizakwembula amalogwe akho phezu kobuso bakho, ^{ay
,} ^az ukuze kubonakale ihlazo lakho. ^ba 27 Ngibonile ubufebe bakho, lokukhonya kwakho, ^bb inkohlakalo zokuphinga kwakho, phezu kwamaqaqa egangeni, amanyala akho. ^bc Maye kuwe, Jerusalema! Kawuyikuhlambuluka yini? ^bd Kusezadlula nini?